Jólastress

Góðan dag :)
Dugnaður helgarinnar sló út öll met á laugarnesvegbúamælikvarða. Allar gjafir komnar í hús, þvílíkt þrekvirki það á reyndar eftir að pakka þeim inn en það er nú bara gaman svo það er nú í góðu. Það ættu að vera til töflur til að gíra fólk niður á þessum árstíma Kringlan og smáralind voru fullar að fólki sem snerist í kringum sig eða aðra. Hvernig er hægt að verða svona ofsalega stressaður yfir jólunum hátið á ljóss og friðar. Þetta skánaði reyndar ekki í IKEA þar sem ég var að rölta og skoða í rólegheitunum, kemur ekki ein á ofursnúning og keyrir mig niður, skórinn minn eitthvað upp í hillu og þarna ligg ég á gólfinu í IKEA eins og ræfill, og hvað gerir þessi góða frú hún reyndar tók eitt snúningsskref, í hringnum andvarpaði hún, hefur örugglega fundist ég var algjört fífl að þvælast svona fyrir og svo hélt hún áfram sínu versli.
Sem sagt þá er ég búin með búðirnar í bili sem betur fer og núna tekur bara við rólegheit heima skreyta og þannig dúllirí
Passið ykkur á stressinu það getur greinilega farið illi með fólk :)

Skotist í kvöldkaffi til mömmu :)

Daginn
Í gær eftir kvöldmat gerði á svolítið sem ég hef bara aldrei gert áður, ákvað með engum fyrirvara að skjótast í kaffi til mömmu. Ekkert smá þægilegt og gaman. Ég er alveg búin að sjá þetta fyrir mér að fara bara svona á föstudögum upp eftir og vera svo bara í dekri fram á sunnudag :)
Ef einhver er ekki búin að átta sig á því þá er vika til jóla í dag sem er rosalega fínt það styttist í súkkulaði flóð og góðan mat :)
Ég rankaði samt við mér áðan að ég á nánast eftir að gera allt nema konfekt sem við gellurnar hittumst að gera heima hjá Sigrúnu á mánudagskvöldið. Rosalega gaman hjá okkur og allt í súkkulaði, sumir töldu sig hafa meiri hæfileika en aðrir í þessari iðju sem reyndist svo vera rétt þegar molarnir voru tilbúnir :)
Svo jólakonfektið er í höfn, þá á bara eftir að kaupa gjafir, skrifa jólakort, senda pakka og kort, baka, þrífa höllina okkar og náttúrulega setja selinn í jólabaðið. Svo helgin verður undirlögð í jólaundibúning sem er náttúrulega bara skemmtilegt ;)
Ég samt frekar ósátt við þessa blessaða jólasveina skórinn minn er búinn að vera tómur alla morgna síðan þeir fóru að koma til byggða og ég sem hélt ég hefði verið svo þæg og góð undanfarið
Þangað til næst
kv.
Katrín

Jólaskólafrí og höfuðhögg

Snjókorn falla á allt og alla nema hvað að það hafi byrja að snjóa eina daginn á árinu þegar ég labbaði í vinnuna svo ég verð víst að láta sækja mig til að komast heim á eftir, frekar slæmt að verða úti svona rétt fyrir jólin :)
Loksins er komið jólaskólafrí og ég ofsaglöð nema það er ótrúlegt að í staðinn fyrir að gera eitthvað seinnipartinn þegar ég var vön að vera í skólanum fer sá tími í nákvæmlega ekki neitt skrítið að þegar nóg er að tímannum þá er hann ekkert notaður
Ofsa fínt laugardagskvöldið síðasta Halldóra og Keli voru í mat sem var nú bara auka atriði þessi matur heldur voru það vínin sem skiptu mestu máli og úr þessu varð svona smá vínsmökkunargleði :) Við Halldóra náðum samt að klára loksins ferðasögun frá MALL OF AMERICA ferð aðlaklúbbsins á landinu vona að við höfum munað eftir öllu þessu skemmtilegasta
Á sunnudaginn var svo hin árlegi pipakökubakstur stórfjölskyldunnar og var hann núna haldinn hjá Siggu og Svenna í nýja fína húsinu þeirra. Baksturinn tókst mjög vel og var litagleði pipakakana mikill eins og við var að búast hjá þessum afbragðs listamönnum. Svo fengu allir þennan fína mat og ógleymdum öllum smákökunum og konfektinu sem rann hratt niður allan daginn.
Í gær fór svo Óli í vinnuna eins og gengur og gerist kl 4 um nóttina ég veit náttúrulega ekki nema allt sé í lagi, þanngað til hann hringir kl 7:30 og segist hafa rotað sig í vinnunni um kl 5 ég var vissum að þetta væri eitthvað nýtt vakningartrix á mig frekar ljótt man ég að ég hugsaði. En svo skírðist þetta allt drengurinn hafði gengið á eitthvað járn á bílnum um fimm leytið dottið út í við vitum ekki hvað langan tíma allt í blóði og ælu, fyrir utan að vera rennandi blautur og vita ekki í þennan heim né annan og haldið þið að maður fari heim úr vinnunni NEI verður náttúrulega að klára rúntinn. Kerlinginn alveg brjáluð í símanum sendir karl upp á slysó og það þurfti sko að sauma þennan 5 cm skurð á hausnum á honum og hann mátti ekki vera einn það sem eftir var dags. Svo ég sendi þetta mannsefnið mitt í pössun til pabba síns sem var sem betur fer í vaktafrí þanngað til ég var búin að vinna. Í dag er hann samt allur að skána þessi eska :)
Við ætlum vestur um næstu helgi, ætlum með mömmu í samfloti á sunnudaginn þegar hún kemur suður alkomin. Spáið í því mamma kemur á Skagan og svo verður hún bara þar skrítið en samt ansi gott það verður ekki slæmt fyrir mig og vonandi ekki hana að geta skotist í sunnudagssteikina á hálftíma :)
Læt þetta duga í bili