Gleðilega hátíð allir saman

Þá er fjórði dagur jóla runninn upp, og fyrsti í teknólausri nótt síðan í byrjun desember, þvílík snilld að geta sofið bara eins og ungabarn áreynslulaust alla nóttina :) Það er búin að vera mikil snilld og hamingja síðustu daga. Lá reyndar í flensu fyrir jólin, gat fyrst dröslað mér út úr húsi á aðfangdagsmorgun til að kaupa gjöf fyrir Óla minn, komst yfir eitthvað sem mér fannst álitlegt fyrir kallinn, en var þá algjörlega búin á því og fór beint heim í bólið. Missti sem sagt af árlegum möndlugraut hjá tengdó en sendi bara mömmu sem staðgengil í staðinn
Eftir smá afslöppun og verkjalyf var farið í að undirbúa matinn fyrir kvöldið, vorum með tengdó og mömmu í mat. Mamma var nú reyndar í hjálparliðinu, steikti rjúpurnar og svona, sem hún hafði hamflett kvöldið áður eftir hina árlegu (á að verða það) skúrskötuveilsuólajóns. Þetta var alveg yndislegt kvöld segir kannski meira en allt að við vorum að klára að opna pakkan um hálf eitt. Fékk náttlega margt fallegt í jólagjöf og aldrei að vita nema núna fari að sjást mikil munnur á snyrtingunni á minni því hún fékk snyrtiborð í svefnherbergið frá Óla sínum. Á jóladag var haldið á Skagan í árlegt jólahlaðborð a la Gunnhildur og mætti amma og aðrir í matinn.
Árlega hangikjötsveislan í Ljósheimunum var svo á annan í jólum þar sem allir voru í banastuði, lengi vel leit út fyrir að ég hefði átt leik kvöldsins en Ella gjörsigraði mig með snildar töktum sem Baddi grís :)
Næst á dagskrá er svo bara að fagna nýju ári með glæsibrag, svo vonandi eigið þið öll góð áramót og megi nýja árið færa ykkur gæfu og gleði.

4 dagar til jóla :)

Þá eru þessu blessuðu jól alveg á næsta leiti og mér finnst það bara fínt. Jólagjafirnar eru komnar í hús svona að mestu leiti bara eftir að pakka inn, hamborgahryggurinn og hangikjötið en rjúpurnar koma í borgina á morgun, jólakortunum verður rúllað upp í kvöld á milli þess sem tekið verður nýbakað úr ofninum. Það er bara eitt sem skyggir aðeins á og það er blessaður teknó-gaurinn á móti, núna hefur verið teknó síðan á föstudagskvöldið reyndar með smá hléum, er smá farið að kvíða fyrir því að þurfa að borða jólamatinn með teknaundirspili í staðinn fyrir Mahaliu Jackson.
Gulla mætti reyndar á laugardaginn með einhver tákn sem hún Sólbjört er búin að eyða fullt af tíma í að teikna og núna hanga þau upp um alla veggi í öllum herbergum. Þau eiga sem sagt að setja frið í sálina á Steinsa vona bara að þetta virki. Stráklingurinn á móti þarf allavega að fara að fá einhverja athygli frá pabba sínum er búin að vera að kveikja í einhverju drasli í innkeyrslunni og fyrir utan húsið.
Eitthvað hefur nú gerst síðan í síðasta pistli, það voru jú próf í skólanum, jólastund á Skaganum vel heppnað sérstaklega kvikmyndasýningin, út að borða með stelpunum kósý og allskyns
En eins og sagt er vinnan göfgar manninn svo best að reyna að fá smá göfg í sig
Kata teknó kveður að sinni