Tilbúin til brottflutnings ???

Sælt veri fólkið
Þá kom að því að eitthvað gerðist í borginni sem hefur áhirf á líf okkar Laugarnesbúa
Dagurinn í gær var ansi rólegur, ég að reyna að lesa fyrir þjóðhagfræðipróf sem gekk svona upp og ofan, svo ákvað ég að fara bara snemma í bólið til að vera vel upplögð í prófinu.
Klukkan um 11 er ég milli svefns og vöku, dreymir um sólarströnd í kuldanum, stælta gaura og bragðgóða kokteila. Einhver fer að kalla á mig með undirþýðri rödd frekar óskýrt skil ekki alveg hvað er verið að segja Þá hellist yfir mig raunveruleikinn Íbúar takið eftir eiturgufur liggja núna yfir hverfinu lokið gluggum og verið tilbúin til brottflutnings. Hvað er í gangi er verið að taka upp kvikmynd í hverfinu ? Eftir mikið erfiði vegna opins glugga sem orsakar mikinn kulda í svefnherberginu kemst ég að glugganum, sé blá blikkljós lögreglumenn með gasgrímur og allt að gerast. Þá loksins átta ég mig á þvi að það er eitthvað að gerast í alvöru, hef sjaldan verið eins snögg að loka öllum gluggum og ræsa alla ofna húsins í botn, kveikja á textarvarpinu ræsa tölvuna og allt það sem fólk gerir þegar það lendi í óviðráðanlegum aðstæðum. Kveiknað í niður í Klettagörðum og dekkjareykur leggst yfir hverfið. Ákveð samt að panikera ekki . Fer bara aftur upp í og reyni að sofna. Það reyndist ógerningur þar sem vinir mínir hjá lögreglunni gjallarhornuð í götunni á ca. hálftíma fresti að við ættum að vera tilbúin til brottflutnings. Hvað þýðir tilbúin til brottflutnings ??? Ég er ekki ennþá búin að komast að því, við vorum allaveg bara heima í nótt í eitugufunum og enginn kom og náði í okkur. Varð hugsað til hins fólksins í húsinu sem eiga krakka, kannski var öll fjölskyldan búin að klæða sig og tilbúin til brottflutnings.....
Klukkan 7 í morgun eftir að hafa dottað í svona klukkutíma í nótt hélt ég af stað í eiturgufunum í skólan til að fara í próf sem byrjaði klukkan 9. Get ekki sagt að árangurinn hafi skilað sér á prófblaðið held að ekkert hafi komist á það nema einhverjar óþjóðhagfræðilegar svefngalsa skilgreiningar
Eftir prófið tók við einn erfiðasti vinnudagur sögunnar vegna svefnleysis en ég komst í gegnum þetta allt saman
er núna komin heimí heiðadalinn búin að lofta út og allt er tilbúið fyrir vonandi mjög svefngóða nótt ;)